Devi Kavach

ॐ नमश्चण्डिकायै

Original Text

1. मार्कण्डेय उवाचmārkaṇḍeya uvāca(Markandeya said)

   ॐ यद्गुह्यं परमं लोके सर्वरक्षाकरं नृणाम्।यन्न कस्यचिदाख्यातं तन्मे ब्रूहि पितामह॥ 1 ॥

   oṃ yadguhyaṃ paramaṃ loke sarvarakṣākaraṃ nṛṇām|yanna kasyacidākhyātaṃ tanme brūhi pitāmaha

   O Grandsire, tell me that which is the greatest secret in this world, which protects people in every way, and which you have never revealed to anyone.

2. ब्रह्मोवाचbrahmovāca(Brahma said)

   अस्ति गुह्यतमं विप्र सर्वभूतोपकारकम्।देव्यास्तु कवचं पुण्यं तच्छृणुष्व महामुने॥ 2 ॥

   asti guhyatamaṃ vipra sarvabhūtopakārakam|devyāstu kavacaṃ puṇyaṃ tacchṛṇuṣva mahāmune

   There is, O Brahmin, a most secret thing that helps every living being: the sacred armour of the Devi. Listen to it, great sage.

3. प्रथमं शैलपुत्री च द्वितीयं ब्रह्मचारिणी।तृतीयं चन्द्रघण्टेति कूष्माण्डेति चतुर्थकम्॥ 3 ॥

   prathamaṃ śailaputrī ca dvitīyaṃ brahmacāriṇī|tṛtīyaṃ candraghaṇṭeti kūṣmāṇḍeti caturthakam

   The first is Shailaputri, the second Brahmacharini, the third Chandraghanta and the fourth Kushmanda.

4. पञ्चमं स्कन्दमातेति षष्ठं कात्यायनीति च।सप्तमं कालरात्रीति महागौरीति चाष्टमम्॥ 4 ॥

   pañcamaṃ skandamāteti ṣaṣṭhaṃ kātyāyanīti ca|saptamaṃ kālarātrīti mahāgaurīti cāṣṭamam

   The fifth is Skandamata, the sixth Katyayani, the seventh Kalaratri and the eighth Mahagauri.

5. नवमं सिद्धिदात्री च नवदुर्गाः प्रकीर्तिताः।उक्तान्येतानि नामानि ब्रह्मणैव महात्मना॥ 5 ॥

   navamaṃ siddhidātrī ca navadurgāḥ prakīrtitāḥ|uktānyetāni nāmāni brahmaṇaiva mahātmanā

   The ninth is Siddhidatri. These are called the Nine Durgas, and these names were given by the great Brahma himself.

6. अग्निना दह्यमानस्तु शत्रुमध्ये गतो रणे।विषमे दुर्गमे चैव भयार्ताः शरणं गताः॥ 6 ॥

   agninā dahyamānastu śatrumadhye gato raṇe|viṣame durgame caiva bhayārtāḥ śaraṇaṃ gatāḥ

   Those who are caught in fire, surrounded by enemies in battle, or trapped in some hard and dangerous place, and who in their fear take refuge in the Devi,

7. न तेषां जायते किंचिदशुभं रणसंकटे।नापदं तस्य पश्यामि शोकदुःखभयं न हि॥ 7 ॥

   na teṣāṃ jāyate kiṃcidaśubhaṃ raṇasaṃkaṭe|nāpadaṃ tasya paśyāmi śokaduḥkhabhayaṃ na hi

   suffer no harm even in the danger of war. I see no misfortune for such a person; grief, sorrow and fear do not touch them.

8. यैस्तु भक्त्या स्मृता नूनं तेषां वृद्धिः प्रजायते।ये त्वां स्मरन्ति देवेशि रक्षसे तान्न संशयः॥ 8 ॥

   yaistu bhaktyā smṛtā nūnaṃ teṣāṃ vṛddhiḥ prajāyate|ye tvāṃ smaranti deveśi rakṣase tānna saṃśayaḥ

   Those who remember the Devi with devotion surely prosper. O Queen of the gods, you without doubt protect all who remember you.

9. प्रेतसंस्था तु चामुण्डा वाराही महिषासना।ऐन्द्री गजसमारूढा वैष्णवी गरुडासना॥ 9 ॥

   pretasaṃsthā tu cāmuṇḍā vārāhī mahiṣāsanā|aindrī gajasamārūḍhā vaiṣṇavī garuḍāsanā

   Chamunda is seated on a corpse, Varahi on a buffalo, Aindri rides an elephant and Vaishnavi sits on Garuda.

10. माहेश्वरी वृषारूढा कौमारी शिखिवाहना।लक्ष्मीः पद्मासना देवी पद्महस्ता हरिप्रिया॥ 10 ॥

    māheśvarī vṛṣārūḍhā kaumārī śikhivāhanā|lakṣmīḥ padmāsanā devī padmahastā haripriyā

    Maheshvari rides a bull and Kaumari a peacock. Lakshmi, the beloved of Hari, is seated on a lotus with a lotus in her hand.

11. श्वेतरूपधरा देवी ईश्वरी वृषवाहना।ब्राह्मी हंससमारूढा सर्वाभरणभूषिता॥ 11 ॥

    śvetarūpadharā devī īśvarī vṛṣavāhanā|brāhmī haṃsasamārūḍhā sarvābharaṇabhūṣitā

    The white-formed Ishvari rides a bull, and Brahmi, adorned with every ornament, rides a swan.

12. इत्येता मातरः सर्वाः सर्वयोगसमन्विताः।नानाभरणशोभाढ्या नानारत्नोपशोभिताः॥ 12 ॥

    ityetā mātaraḥ sarvāḥ sarvayogasamanvitāḥ|nānābharaṇaśobhāḍhyā nānāratnopaśobhitāḥ

    All these Mothers possess every yogic power and shine with many ornaments and jewels.

13. दृश्यन्ते रथमारूढा देव्यः क्रोधसमाकुलाः।शङ्खं चक्रं गदां शक्तिं हलं च मुसलायुधम्॥ 13 ॥

    dṛśyante rathamārūḍhā devyaḥ krodhasamākulāḥ|śaṅkhaṃ cakraṃ gadāṃ śaktiṃ halaṃ ca musalāyudham

    These goddesses are seen riding chariots, filled with wrath. Conch, discus, mace, spear, plough and pestle,

14. खेटकं तोमरं चैव परशुं पाशमेव च।कुन्तायुधं त्रिशूलं च शार्ङ्गमायुधमुत्तमम्॥ 14 ॥

    kheṭakaṃ tomaraṃ caiva paraśuṃ pāśameva ca|kuntāyudhaṃ triśūlaṃ ca śārṅgamāyudhamuttamam

    shield, lance, axe, noose, javelin, trident and the excellent Sharnga bow,

15. दैत्यानां देहनाशाय भक्तानामभयाय च।धारयन्त्यायुधानीत्थं देवानां च हिताय वै॥ 15 ॥

    daityānāṃ dehanāśāya bhaktānāmabhayāya ca|dhārayantyāyudhānītthaṃ devānāṃ ca hitāya vai

    these weapons they carry to destroy the bodies of the demons, to give fearlessness to devotees and for the good of the gods.

16. नमस्तेऽस्तु महारौद्रे महाघोरपराक्रमे।महाबले महोत्साहे महाभयविनाशिनि॥ 16 ॥

    namaste'stu mahāraudre mahāghoraparākrame|mahābale mahotsāhe mahābhayavināśini

    Salutations to you, most fierce one, of terrible valour, of great strength and great energy, destroyer of great fear.

17. त्राहि मां देवि दुष्प्रेक्ष्ये शत्रूणां भयवर्धिनि।प्राच्यां रक्षतु मामैन्द्री आग्नेय्यामग्निदेवता॥ 17 ॥

    trāhi māṃ devi duṣprekṣye śatrūṇāṃ bhayavardhini|prācyāṃ rakṣatu māmaindrī āgneyyāmagnidevatā

    Save me, O Devi, you who are hard to look upon and who increase the fear of enemies. May Aindri protect me in the east and Agni's goddess in the south-east.

18. दक्षिणेऽवतु वाराही नैर्ऋत्यां खड्गधारिणी।प्रतीच्यां वारुणी रक्षेद् वायव्यां मृगवाहिनी॥ 18 ॥

    dakṣiṇe'vatu vārāhī nairṛtyāṃ khaḍgadhāriṇī|pratīcyāṃ vāruṇī rakṣed vāyavyāṃ mṛgavāhinī

    May Varahi guard the south, the sword-bearer the south-west, Varuni the west and the deer-rider the north-west.

19. उदीच्यां पातु कौमारी ऐशान्यां शूलधारिणी।ऊर्ध्वं ब्रह्माणि मे रक्षेदधस्ताद् वैष्णवी तथा॥ 19 ॥

    udīcyāṃ pātu kaumārī aiśānyāṃ śūladhāriṇī|ūrdhvaṃ brahmāṇi me rakṣedadhastād vaiṣṇavī tathā

    May Kaumari guard the north, the trident-bearer the north-east, Brahmani above me and Vaishnavi below.

20. एवं दश दिशो रक्षेच्चामुण्डा शववाहना।जया मे चाग्रतः पातु विजया पातु पृष्ठतः॥ 20 ॥

    evaṃ daśa diśo rakṣeccāmuṇḍā śavavāhanā|jayā me cāgrataḥ pātu vijayā pātu pṛṣṭhataḥ

    So may Chamunda, who rides a corpse, protect all ten directions. May Jaya guard me in front and Vijaya behind.

21. अजिता वामपार्श्वे तु दक्षिणे चापराजिता।शिखामुद्योतिनी रक्षेदुमा मूर्ध्नि व्यवस्थिता॥ 21 ॥

    ajitā vāmapārśve tu dakṣiṇe cāparājitā|śikhāmudyotinī rakṣedumā mūrdhni vyavasthitā

    May Ajita guard my left side and Aparajita my right. May Udyotini protect my crown-lock, and Uma, seated on my head, protect it.

22. मालाधरी ललाटे च भ्रुवौ रक्षेद् यशस्विनी।त्रिनेत्रा च भ्रुवोर्मध्ये यमघण्टा च नासिके॥ 22 ॥

    mālādharī lalāṭe ca bhruvau rakṣed yaśasvinī|trinetrā ca bhruvormadhye yamaghaṇṭā ca nāsike

    May Maladhari guard my forehead, Yashasvini my brows, Trinetra the space between the brows and Yamaghanta my nose.

23. शङ्खिनी चक्षुषोर्मध्ये श्रोत्रयोर्द्वारवासिनी।कपोलौ कालिका रक्षेत्कर्णमूले तु शांकरी॥ 23 ॥

    śaṅkhinī cakṣuṣormadhye śrotrayordvāravāsinī|kapolau kālikā rakṣetkarṇamūle tu śāṃkarī

    May Shankhini guard the space between my eyes, Dvaravasini my ears, Kalika my cheeks and Shankari the roots of my ears.

24. नासिकायां सुगन्धा च उत्तरोष्ठे च चर्चिका।अधरे चामृतकला जिह्वायां च सरस्वती॥ 24 ॥

    nāsikāyāṃ sugandhā ca uttaroṣṭhe ca carcikā|adhare cāmṛtakalā jihvāyāṃ ca sarasvatī

    May Sugandha guard my nostrils, Charchika my upper lip, Amritakala my lower lip and Saraswati my tongue.

25. दन्तान् रक्षतु कौमारी कण्ठदेशे तु चण्डिका।घण्टिकां चित्रघण्टा च महामाया च तालुके॥ 25 ॥

    dantān rakṣatu kaumārī kaṇṭhadeśe tu caṇḍikā|ghaṇṭikāṃ citraghaṇṭā ca mahāmāyā ca tāluke

    May Kaumari guard my teeth, Chandika my throat, Chitraghanta my uvula and Mahamaya my palate.

26. कामाक्षी चिबुकं रक्षेद् वाचं मे सर्वमङ्गला।ग्रीवायां भद्रकाली च पृष्ठवंशे धनुर्धरी॥ 26 ॥

    kāmākṣī cibukaṃ rakṣed vācaṃ me sarvamaṅgalā|grīvāyāṃ bhadrakālī ca pṛṣṭhavaṃśe dhanurdharī

    May Kamakshi guard my chin, Sarvamangala my speech, Bhadrakali my neck and the bow-bearer my spine.

27. नीलग्रीवा बहिःकण्ठे नलिकां नलकूबरी।स्कन्धयोः खड्गिनी रक्षेद् बाहू मे वज्रधारिणी॥ 27 ॥

    nīlagrīvā bahiḥkaṇṭhe nalikāṃ nalakūbarī|skandhayoḥ khaḍginī rakṣed bāhū me vajradhāriṇī

    May Nilagriva guard the outside of my throat, Nalakubari my windpipe, Khadgini my shoulders and the thunderbolt-bearer my arms.

28. हस्तयोर्दण्डिनी रक्षेदम्बिका चाङ्गुलीषु च।नखाञ्छूलेश्वरी रक्षेत्कुक्षौ रक्षेत्कुलेश्वरी॥ 28 ॥

    hastayordaṇḍinī rakṣedambikā cāṅgulīṣu ca|nakhāñchūleśvarī rakṣetkukṣau rakṣetkuleśvarī

    May Dandini guard my hands, Ambika my fingers, Shuleshvari my nails and Kuleshvari my belly.

29. स्तनौ रक्षेन्महादेवी मनः शोकविनाशिनी।हृदये ललिता देवी उदरे शूलधारिणी॥ 29 ॥

    stanau rakṣenmahādevī manaḥ śokavināśinī|hṛdaye lalitā devī udare śūladhāriṇī

    May Mahadevi guard my breast, the destroyer of grief my mind, Lalita my heart and the trident-bearer my stomach.

30. नाभौ च कामिनी रक्षेद् गुह्यं गुह्येश्वरी तथा।पूतना कामिका मेढ्रं गुदे महिषवाहिनी॥ 30 ॥

    nābhau ca kāminī rakṣed guhyaṃ guhyeśvarī tathā|pūtanā kāmikā meḍhraṃ gude mahiṣavāhinī

    May Kamini guard my navel, Guhyeshvari my private parts, Putana and Kamika the organ of generation and the buffalo-rider the anus.

31. कट्यां भगवती रक्षेज्जानुनी विन्ध्यवासिनी।जङ्घे महाबला रक्षेत्सर्वकामप्रदायिनी॥ 31 ॥

    kaṭyāṃ bhagavatī rakṣejjānunī vindhyavāsinī|jaṅghe mahābalā rakṣetsarvakāmapradāyinī

    May Bhagavati guard my waist, Vindhyavasini my knees, and Mahabala, who fulfils every wish, my shins.

32. गुल्फयोर्नारसिंही च पादपृष्ठे तु तैजसी।पादाङ्गुलीषु श्री रक्षेत्पादाधस्तलवासिनी॥ 32 ॥

    gulphayornārasiṃhī ca pādapṛṣṭhe tu taijasī|pādāṅgulīṣu śrī rakṣetpādādhastalavāsinī

    May Narasimhi guard my ankles, Taijasi the tops of my feet, Shri my toes and Talavasini the soles.

33. नखान् दंष्ट्राकराली च केशांश्चैवोर्ध्वकेशिनी।रोमकूपेषु कौबेरी त्वचं वागीश्वरी तथा॥ 33 ॥

    nakhān daṃṣṭrākarālī ca keśāṃścaivordhvakeśinī|romakūpeṣu kauberī tvacaṃ vāgīśvarī tathā

    May Damshtrakarali guard my nails, Urdhvakeshini my hair, Kauberi the pores of my skin and Vagishvari my skin.

34. रक्तमज्जावसामांसान्यस्थिमेदांसि पार्वती।अन्त्राणि कालरात्रिश्च पित्तं च मुकुटेश्वरी॥ 34 ॥

    raktamajjāvasāmāṃsānyasthimedāṃsi pārvatī|antrāṇi kālarātriśca pittaṃ ca mukuṭeśvarī

    May Parvati guard my blood, marrow, fat, flesh, bones and tissue, Kalaratri my entrails and Mukuteshvari my bile.

35. पद्मावती पद्मकोशे कफे चूडामणिस्तथा।ज्वालामुखी नखज्वालामभेद्या सर्वसंधिषु॥ 35 ॥

    padmāvatī padmakośe kaphe cūḍāmaṇistathā|jvālāmukhī nakhajvālāmabhedyā sarvasaṃdhiṣu

    May Padmavati guard the lotus-sheath, Chudamani the phlegm, Jvalamukhi the glow of my nails and Abhedya every joint.

36. शुक्रं ब्रह्माणि मे रक्षेच्छायां छत्रेश्वरी तथा।अहंकारं मनो बुद्धिं रक्षेन्मे धर्मधारिणी॥ 36 ॥

    śukraṃ brahmāṇi me rakṣecchāyāṃ chatreśvarī tathā|ahaṃkāraṃ mano buddhiṃ rakṣenme dharmadhāriṇī

    May Brahmani guard my vital seed, Chhatreshvari my shadow, and Dharmadharini my ego, mind and intellect.

37. प्राणापानौ तथा व्यानमुदानं च समानकम्।वज्रहस्ता च मे रक्षेत्प्राणं कल्याणशोभना॥ 37 ॥

    prāṇāpānau tathā vyānamudānaṃ ca samānakam|vajrahastā ca me rakṣetprāṇaṃ kalyāṇaśobhanā

    May Vajrahasta guard the breaths prana, apana, vyana, udana and samana, and Kalyanashobhana my life itself.

38. रसे रूपे च गन्धे च शब्दे स्पर्शे च योगिनी।सत्त्वं रजस्तमश्चैव रक्षेन्नारायणी सदा॥ 38 ॥

    rase rūpe ca gandhe ca śabde sparśe ca yoginī|sattvaṃ rajastamaścaiva rakṣennārāyaṇī sadā

    May Yogini protect me in taste, sight, smell, sound and touch, and Narayani always guard my sattva, rajas and tamas.

39. आयू रक्षतु वाराही धर्मं रक्षतु वैष्णवी।यशः कीर्तिं च लक्ष्मीं च धनं विद्यां च चक्रिणी॥ 39 ॥

    āyū rakṣatu vārāhī dharmaṃ rakṣatu vaiṣṇavī|yaśaḥ kīrtiṃ ca lakṣmīṃ ca dhanaṃ vidyāṃ ca cakriṇī

    May Varahi guard my lifespan, Vaishnavi my dharma, and Chakrini my good name, fame, fortune, wealth and learning.

40. गोत्रमिन्द्राणि मे रक्षेत्पशून्मे रक्ष चण्डिके।पुत्रान् रक्षेन्महालक्ष्मीर्भार्यां रक्षतु भैरवी॥ 40 ॥

    gotramindrāṇi me rakṣetpaśūnme rakṣa caṇḍike|putrān rakṣenmahālakṣmīrbhāryāṃ rakṣatu bhairavī

    May Indrani guard my lineage. O Chandika, protect my cattle. May Mahalakshmi guard my sons and Bhairavi my wife.

41. पन्थानं सुपथा रक्षेन्मार्गं क्षेमकरी तथा।राजद्वारे महालक्ष्मीर्विजया सर्वतः स्थिता॥ 41 ॥

    panthānaṃ supathā rakṣenmārgaṃ kṣemakarī tathā|rājadvāre mahālakṣmīrvijayā sarvataḥ sthitā

    May Supatha guard my path and Kshemakari my road. May Mahalakshmi protect me at the king's court, and Vijaya, present on every side.

42. रक्षाहीनं तु यत्स्थानं वर्जितं कवचेन तु।तत्सर्वं रक्ष मे देवि जयन्ती पापनाशिनी॥ 42 ॥

    rakṣāhīnaṃ tu yatsthānaṃ varjitaṃ kavacena tu|tatsarvaṃ rakṣa me devi jayantī pāpanāśinī

    Whatever place is left unguarded and not covered by this armour, protect all of it, O Devi Jayanti, destroyer of sin.

43. पदमेकं न गच्छेत्तु यदीच्छेच्छुभमात्मनः।कवचेनावृतो नित्यं यत्र यत्रैव गच्छति॥ 43 ॥

    padamekaṃ na gacchettu yadīcchecchubhamātmanaḥ|kavacenāvṛto nityaṃ yatra yatraiva gacchati

    One who wishes for their own good should not take a single step without this armour. Wherever they go, always covered by it,

44. तत्र तत्रार्थलाभश्च विजयः सार्वकामिकः।यं यं चिन्तयते कामं तं तं प्राप्नोति निश्चितम्।परमैश्वर्यमतुलं प्राप्स्यते भूतले पुमान्॥ 44 ॥

    tatra tatrārthalābhaśca vijayaḥ sārvakāmikaḥ|yaṃ yaṃ cintayate kāmaṃ taṃ taṃ prāpnoti niścitam|paramaiśvaryamatulaṃ prāpsyate bhūtale pumān

    there they gain wealth and a victory that fulfils every wish. Whatever they long for, they surely obtain, and on this earth they win matchless prosperity.

45. निर्भयो जायते मर्त्यः संग्रामेष्वपराजितः।त्रैलोक्ये तु भवेत्पूज्यः कवचेनावृतः पुमान्॥ 45 ॥

    nirbhayo jāyate martyaḥ saṃgrāmeṣvaparājitaḥ|trailokye tu bhavetpūjyaḥ kavacenāvṛtaḥ pumān

    Covered by this armour, a person becomes fearless, is never defeated in battle and is honoured in all three worlds.

46. इदं तु देव्याः कवचं देवानामपि दुर्लभम्।यः पठेत्प्रयतो नित्यं त्रिसन्ध्यं श्रद्धयान्वितः॥ 46 ॥

    idaṃ tu devyāḥ kavacaṃ devānāmapi durlabham|yaḥ paṭhetprayato nityaṃ trisandhyaṃ śraddhayānvitaḥ

    This armour of the Devi is rare even for the gods. One who reads it daily at the three junctions of the day, with discipline and faith,

47. दैवी कला भवेत्तस्य त्रैलोक्येष्वपराजितः।जीवेद् वर्षशतं साग्रमपमृत्युविवर्जितः॥ 47 ॥

    daivī kalā bhavettasya trailokyeṣvaparājitaḥ|jīved varṣaśataṃ sāgramapamṛtyuvivarjitaḥ

    gains a divine power, remains unconquered in the three worlds, and, free from untimely death, lives a hundred years and more.

48. नश्यन्ति व्याधयः सर्वे लूताविस्फोटकादयः।स्थावरं जङ्गमं चैव कृत्रिमं चापि यद्विषम्॥ 48 ॥

    naśyanti vyādhayaḥ sarve lūtāvisphoṭakādayaḥ|sthāvaraṃ jaṅgamaṃ caiva kṛtrimaṃ cāpi yadviṣam

    All diseases, such as spider-poisoning and boils, are destroyed. Every poison, whether from plants and minerals, from creatures, or made by people,

49. अभिचाराणि सर्वाणि मन्त्रयन्त्राणि भूतले।भूचराः खेचराश्चैव जलजाश्चोपदेशिकाः॥ 49 ॥

    abhicārāṇi sarvāṇi mantrayantrāṇi bhūtale|bhūcarāḥ khecarāścaiva jalajāścopadeśikāḥ

    all the black rites, mantras and yantras on earth, the beings that move on land, in the sky and in water, and those sent by instruction,

50. सहजा कुलजा माला डाकिनी शाकिनी तथा।अन्तरिक्षचरा घोरा डाकिन्यश्च महाबलाः॥ 50 ॥

    sahajā kulajā mālā ḍākinī śākinī tathā|antarikṣacarā ghorā ḍākinyaśca mahābalāḥ

    the sahaja, kulaja and mala spirits, the dakinis and shakinis, and the terrible, mighty dakinis that roam the air,

51. ग्रहभूतपिशाचाश्च यक्षगन्धर्वराक्षसाः।ब्रह्मराक्षसवेतालाः कूष्माण्डा भैरवादयः॥ 51 ॥

    grahabhūtapiśācāśca yakṣagandharvarākṣasāḥ|brahmarākṣasavetālāḥ kūṣmāṇḍā bhairavādayaḥ

    the grahas, bhutas, pishachas, yakshas, gandharvas, rakshasas, brahma-rakshasas, vetalas, kushmandas, bhairavas and the rest,

52. नश्यन्ति दर्शनात्तस्य कवचे हृदि संस्थिते।मानोन्नतिर्भवेद् राज्ञस्तेजोवृद्धिकरं परम्॥ 52 ॥

    naśyanti darśanāttasya kavace hṛdi saṃsthite|mānonnatirbhaved rājñastejovṛddhikaraṃ param

    all perish at the very sight of one who holds this armour in the heart. That person rises in honour before the king; this armour greatly increases one's radiance.

53. यशसा वर्धते सोऽपि कीर्तिमण्डितभूतले।जपेत्सप्तशतीं चण्डीं कृत्वा तु कवचं पुरा॥ 53 ॥

    yaśasā vardhate so'pi kīrtimaṇḍitabhūtale|japetsaptaśatīṃ caṇḍīṃ kṛtvā tu kavacaṃ purā

    Such a person grows in renown and shines with fame on earth. One should first recite the Kavach and then the Saptashati Chandi.

54. यावद्भूमण्डलं धत्ते सशैलवनकाननम्।तावत्तिष्ठति मेदिन्यां संततिः पुत्रपौत्रिकी॥ 54 ॥

    yāvadbhūmaṇḍalaṃ dhatte saśailavanakānanam|tāvattiṣṭhati medinyāṃ saṃtatiḥ putrapautrikī

    For as long as the earth stands with its mountains, woods and forests, so long do their sons and grandsons endure upon it.

55. देहान्ते परमं स्थानं यत्सुरैरपि दुर्लभम्।प्राप्नोति पुरुषो नित्यं महामायाप्रसादतः॥ 55 ॥

    dehānte paramaṃ sthānaṃ yatsurairapi durlabham|prāpnoti puruṣo nityaṃ mahāmāyāprasādataḥ

    At the end of the body, by the grace of Mahamaya, that person reaches the supreme abode that is hard to reach even for the gods.

56. लभते परमं रूपं शिवेन सह मोदते॥ ॐ॥ 56 ॥

    labhate paramaṃ rūpaṃ śivena saha modate|| oṃ

    They attain a supreme form and rejoice with Shiva.

इति देव्याः कवचं सम्पूर्णम्।